შოთა რუსთაველის ეროვნული სამეცნიერო ფონდი და საფრანგეთის სამეცნიერო კვლევების ეროვნული ცენტრი (CNRS) ერთობლივი სამეცნიერო გრანტების პროგრამის ფარგლებში აცხადებენ 2011 წლის კონკურსს.
საგრანტო კონკურსის მიზანია:
ა) მეცნიერების სფეროში ორ ქვეყანას შორის თანამშრომლობის გაღრმავება-გაფართოება და ქართველ მეცნიერთა კვლევების დონის ამაღლება;
ბ) ახალგაზრდა მეცნიერთა ერთობლივ კვლევებში აქტიური ჩართვა და ევროპულ კვლევით სივრცეში მათი ინტეგრაციის პროცესის ხელშეწყობა.
კონკურსის შედეგად დასაფინანსებლად შეირჩევა ქართველ და CNRS-ის მკვლევართა ერთობლივი სამეცნიერო პროექტები შემდეგი პრიორიტეტული სამეცნიერო მიმართულებებიდან:
ა) მათემატიკა, მექანიკა;
ბ) ფიზიკა;
გ) სიცოცხლის შემსწავლელი მეცნიერებები.
ქართველ მეცნიერთა მიერ ქართულ და ინგლისურ ენებზე მომზადებული ერთობლივი საპროექტო წინადადებების წარმოდგენა უნდა მოხდეს შოთა რუსთაველის ეროვნულ სამეცნიერო ფონდში 2011 წლის 1 აგვისტოს, 14.00 საათამდე.
დამატებითი ინფორმაცია იხილეთ ფონდის ვებ-გვერდზე: http://www.rustaveli.org.ge
