მომსახურება

რა სახის ცნობებს ამზადებს და გასცემს თსუ-ს კურსდამთავრებულთათვის  სასწავლო პროცესის მართვის  დეპარტამენტი

ზემოაღნიშნული ცნობების ასაღებად საჭიროა თსუ-ს კურსდამთავრებულმა განცხადებით მიმართოს თსუ-ს კანცელარიას. იმ შემთხვევაში თუ იგი იმყოფება საზღვარგარეთ, თსუ-ს განცხადებით მიმართავს მისი რწმუნებული, რომელმაც უნდა წარმოადგინოს  ნოტარიულად დამოწმებული მინდობილობა.

რა სახის ცნობებს ამზადებს და გასცემს სტუდენტებისათვის  სასწავლო პროცესის მართვის  დეპარტამენტი

• ფორმა №26 (სამხედრო ჯავშანი)

იმისათვის, რომ სტუდენტმა აიღოს ფორმა №26, საჭიროა სასწავლო პროცესის მართვის  დეპარტამენტში წარმოადგინოს ფაკულტეტის მიერ გაცემული ფორმა №20 (ცნობა სტუდენტის სტატუსის შესახებ).
ფორმა №26 გაიცემა თსუ-ს III კორპუსში, ოთახი №114. საკონტაქტო პირი - ტარიელ კვიციანი   (მობ.: 877 52 77 79).

რა შემთხვევაში ენიჭება კურსდამთავრებულს აკადემიური ხარისხი და გაიცემა  მასზე  უმაღლესი განათლების დამადასტურებელი დოკუმენტი (დიპლომი)

საუნივერსიტეტო განათლების ცალკეული საფეხურის დასრულების შემდეგ კურსდამთავრებულს ენიჭება შესაბამისი აკადემიური ხარისხი/კვალიფიკაცია და მასზე გაიცემა დიპლომი

• ბაკალავრიატის აკადემიური ხარისხი  – 240 კრედიტის შესრულებისას;
• მაგისტრის აკადემიური ხარისხი  – 120 კრედიტის შესრულებისას;
• დოქტორის აკადემიური ხარისხი  – 180 კრედიტის შესრულებისას;
• დიპლომირებული მედიკოსის/სტომატოლოგის აკადემიური ხარისხი – 300/360 კრედიტის შესრულებისას;
• დიპლომირებული სპეციალისტის (პროფესიული სწავლება) – 120 კრედიტის შესრულებისას.

რა შემთხვევაში  გაიცემა აკადემიური ცნობა

აკადემიური ცნობა გაიცემა კურსმოსმენილზე, რომელმაც:

• დამატებითი სემესტრებით გათვალისწინებულ ვადებშიც ვერ დაასრულა საგანმანათლებლო პროგრამა;
• სხვადასხვა მოტივით ამოირიცხა საგანმანათლებლო პროგრამის დასრულებამდე.

აკადემიური ცნობის დასამზადებლად კურსმოსმენილმა განცხადებით უნდა მიმართოს სასწავლო პროცესის მართვის  დეპარტამენტს.

რა შემთხვევაში გაიცემა სერტიფიკატი

• ხელოვნებისა და ჰუმანიტარულ პროფესიათა ფაკულტეტის მეორადი სწავლების დასრულების შემთხვევაში;
• ზოგადსაგანმანათლებლო სკოლის პედაგოგთა საუნივერსიტეტო მომზადების სასწავლო კურსის დასრულებისას;
• ჰუმანიტარულ მეცნიერებათა ფაკულტეტის ენების ცენტრის კურსის დასრულების დროს;
• სპეციალისტთა კვალიფიკაციის ამაღლებისა და გადამზადების კურსის დასრულების შემთხვევაში;
• უწყვეტი განათლების პროგრამის კურსის დასრულებისას.

რა შემთხვევაში მზადდება დიპლომისა და დიპლომის დანართის  დუბლიკატი

დუბლიკატი მზადდება დიპლომისა და დიპლომის დანართის დაკარგვისა და დაზიანების  შემთხვევაში.

ა) დიპლომის დაკარგვის შემთხვევაში თსუ კანცელარიაში წარმოადგინეთ:

• განცხადება რექტორის სახელზე დიპლომის დაკარგვისა და დუბლიკატის მოთხოვნის შესახებ;
• ცნობა პოლიციიდან.

ბ) დანართის დაკარგვის შემთხვევაში თსუ კანცელარიაში წარმოადგინეთ განცხადება რექტორის სახელზე დანათის დაკარგვისა და  დუბლიკატის მოთხოვნის შესახებ.

გ) დიპლომისა და დიპლომის დანართის დაზიანებისა შემთხვევაში თსუ კანცელარიაში წარმოადგინეთ:

• განცხადება რექტორის სახელზე დიპლომის ა და დიპლომის დანართის  დუბლიკატის მოთხოვნის შესახებ;
• დაზიანებული დიპლომისა და დიპლომის დანართის დედანი.

რა შემთხვევაში იცვლება დიპლომი და დიპლომის დანართი

• სახელის, მამის სახელის, გვარის შეცვლის შემთხვევაში;
• ქორწინების ან განქორწინების შედეგად გვარის შეცვლისას;
• ტექნიკური ხარვეზის არსებობისას.

რა უნდა წარმოადგინოთ  დიპლომისა და დიპლომის დანართის შესაცვლელად

სახელის, მამის სახელის, გვარის შეცვლის შემთხვევაში თსუ კანცელარიაში უნდა წარმოადგინოთ:

• განცხადება რექტორის სახელზე სახელის, მამის სახელის, გვარის შეცვლის გამო ახალი დიპლომისა და დიპლომის დანართის დამზადების შესახებ;
• სახელის, მამის სახელის, გვარის შეცვლის მოწმობის ასლი;
• დიპლომისა და დიპლომის დანართის დედანი;
• პირადობის მოწმობის ასლი გაცემული სახელის, მამის სახელის, გვარის შეცლის შემდეგ.

ქორწინების ან განქორწინების შედეგად გვარის შეცვლის შემთხვევაში თსუ კანცელარიაში უნდა წარმოადგინოთ:

• განცხადება რექტორის სახელზე გვარის შეცვლის გამო ახალი დიპლომისა და დიპლომის დანართის დამზადების შესახებ;
• ქორწინების ან განქორწინების მოწმობის ასლი;
• დიპლომისა და დიპლომის დანართის დედანი;
• პირადობის მოწმობის ასლი  გაცემული ქორწინების ან განქორწინების შემდეგ  გვარის შეცვლის გამო.

ტექნიკური ხარვეზის შემთხვევაში თსუ კანცელარიაში უნდა წარმოადგინოთ:

• განცხადება რექტორის სახელზე დიპლომსა და დიპლომის დანართში ტექნიკური ხარვეზის  გამო ახალი დიპლომისა და დიპლომის დანართის დამზადების შესახებ;
• პირადობის მოწმობის ასლი;
• დიპლომისა და დიპლომის დანართის დედანი.

სად მზადდება დიპლომი, სერტიფიკატი და აკადემიური ცნობა 


სად და როდის გაიცემა დიპლომი, სერტიფიკატი და აკადემიური ცნობა


ვისზე გაიცემა დიპლომი, სერტიფიკატი, აკადემიური ცნობა


რა დოკუმენტაცია არის საჭირო დიპლომის ასაღებად

• პირადობის დამადასტურებელი დოკუმენტი;
• ცნობა თსუ ცენტრალური ბიბლიოთეკიდან (მაღლივი კორპუსი);
• ცნობა სწავლის საფასურის გადახდის შესახებ (II კორპუსი, I სართული, ოთახი №153, მაია კობახიძე).

რა დოკუმენტია საჭირო სერტიფიკატისა და აკადემიური ცნობის ასაღებად

პირადობის მოწმობა.

რამდენია  დოკუმენტების დამოწმების ღირებულება

დიპლომის დანართის  ერთი ეგზემპლარის დამოწმების ღირებულება განისაზღვრება  5 ლარით.

ვის უნდა მიმართოს კურსდამთავრებულმა დამოწმებული დოკუმენტების საზღვარგარეთ გასაგზავნად

კურსდამთავრებულმა განცხადებით უნდა მიმართოს სასწავლო პროცესის მართვის  დეპარტამენტს.

რა ფორმით იგზავნება დამოწმებული დოკუმენტები საზღვარგარეთ

დამოწმებული დოკუმენტები თავსდება თსუ კონვერტში, ილუქება და გადაეცემა კურსდამთავრებულს ხელზე.