აკადემიური საბჭო

29 სექტემბერს ივანე ჯავახიშვილის სახელობის თბილისის სახელმწიფო უნივერსიტეტში აკადემიური საბჭოს არჩევნები ჩატარდა. 

აკადემიური საბჭო თსუ–ს მართვის ორგანოა, რომლის უფლებამოსილებას განსაზღვრავს  „განათლების შესახებ“ კანონი.

აკადემიური საბჭო შეიმუშავებს და ამტკიცებს უმაღლესი სასწავლებლის განვითარების სტრატეგიულ გეგმას; ფაკულტეტების წარდგინებით ამტკიცებს სასწავლო და სამეცნიერო კვლევით პროგრამებს; თავისუფალი და თანასწორი არჩევნების საფუძველზე, ფარული კენჭისყრით, სიითი შემადგენლობის უმრავლესობით ირჩევს აკადემიური საბჭოს თავმჯდომარეს – რექტორს და ახორციელებს სასწავლო დაწესებულების მართვის სხვა ფუნქციებს.

რექტორის მოვალეობის შემსრულებლის 7 სექტემბრის ბრძანების საფუძველზე აკადემიური საბჭოს საერთო რაოდენობა განისაზღვრა 12 წევრით. უნივერსიტეტის ექვსმა ფაკულტეტმა აკადემიურ საბჭოში ორ–ორი წევრი აირჩია:

• ირმა რატიანი , აკაკი ყულიჯანიშვილი (ჰუმანიტარულ მეცნიერებათა ფაკულტეტიდან),

•  ზურაბ დავითაშვილი, გუგული მაღრაძე (სოციალურ და პოლიტიკურ მეცნიერებათა ფაკულტეტიდან),

•   ფრიდონ თოდუა, მერაბ კილაძე (მედიცინის ფაკულტეტიდან),

•  კონსტანტინე კორკელია, გიორგი დავითაშვილი (იურიდიული ფაკულტეტიდან),

•  ალექსანდრე შენგელაია, ელიზბარ ნადარაია (ზუსტ და საბუნებისმეტყველო მეცნიერებათა ფაკულტეტიდან),

•   რევაზ გველესიანი, ქეთევან მარშავა (ეკონომიკისა და ბიზნესის ფაკულტეტიდან).