აკადემიური საბჭო

აკადემიური საბჭო თსუ–ს მართვის ორგანოა, რომლის უფლებამოსილებას განსაზღვრავს  „განათლების შესახებ“ კანონი.

აკადემიური საბჭო შეიმუშავებს და ამტკიცებს უმაღლესი სასწავლებლის განვითარების სტრატეგიულ გეგმას; ფაკულტეტების წარდგინებით ამტკიცებს სასწავლო და სამეცნიერო კვლევით პროგრამებს; თავისუფალი და თანასწორი არჩევნების საფუძველზე, ფარული კენჭისყრით, სიითი შემადგენლობის უმრავლესობით ირჩევს აკადემიური საბჭოს თავმჯდომარეს – რექტორს და ახორციელებს სასწავლო დაწესებულების მართვის სხვა ფუნქციებს.

რექტორის მოვალეობის შემსრულებლის 2006 წ.-ის 7 სექტემბრის ბრძანების საფუძველზე აკადემიური საბჭოს საერთო რაოდენობა განისაზღვრა 12 წევრით. უნივერსიტეტის ექვსმა ფაკულტეტმა აკადემიურ საბჭოში ორ–ორი წევრი აირჩია:

• ნანი გაფრინდაშვილი, რამაზ ქურდაძე (ჰუმანიტარულ მეცნიერებათა ფაკულტეტიდან),

• ზურაბ დავითაშვილი, მარიამ გერსამია (სოციალურ და პოლიტიკურ მეცნიერებათა ფაკულტეტიდან),

• ფრიდონ თოდუა, ლავრენტი მანაგაძე (მედიცინის ფაკულტეტიდან),

• მაია კოპალეიშვილი, ნუგზარ სურგულაძე (იურიდიული ფაკულტეტიდან),

• ალექსანდრე შენგელაია, ელიზბარ ნადარაია (ზუსტ და საბუნებისმეტყველო მეცნიერებათა ფაკულტეტიდან),

• რევაზ გველესიანი, ქეთევან მარშავა (ეკონომიკისა და ბიზნესის ფაკულტეტიდან).