სტუდენტის დატვირთვა, ECTS–ის მიხედვით, არის დრო, რომელიც სჭირდება ისეთი სასწავლო საქმიანობის განხორციელებას, როგორიცაა: ლექციები, სემინარები, პრაქტიკუმები, ლაბორატორიული სამუშაოები, სემინარის, შუალედური თუ საბოლოო გამოცდისთვის მზადება, რეფერატის, თარგმანის, პროექტის, პრეზენტაციის მომზადება, საწარმოო პრაქტიკა, საბაკალავრო, სამაგისტრო თუ სადოქტორო ნაშრომის შესრულება და სხვ.
1. კრედიტების წლიური დასაშვები ოდენობა განისაზღვრება 65 კრედიტით (სემესტრში არაუმეტეს 30-35 კრედიტის ფარგლებში);
2. ბაკალავრიატის მე–8, მე–12 და მე–14 სემესტრის სტუდენტს უფლება ეძლევა, 240 კრედიტის შესასრულებლად აირჩიოს საგნები არაუმეტეს 40 კრედიტისა;
3. ერთი კრედიტი მოიცავს სტუდენტის 25-საათიან დატვირთვას;
4. სტუდენტს საგანში მიენიჭება კრედიტი, თუ მან ჩააბარა დასკვნითი/განმეორებითი გამოცდა და სემესტრში დააგროვა არანაკლებ 51 ქულისა;
